Бүгү Россия чергелиг "Төрээн дыл болгаш төрээн чогаалдың тергиин башкызы-2025" деп мөөрейниң республика чадазының тиилекчизи Балгазын школазының тыва дыл, чогаал башкызы Сай-Суу Уйнуколова Кызыл хоорайның Х.Н. Чүргүй-оол аттыг 16 дугаар лицейиниң 5-ки классчыларынга кичээл болгаш класс шагын эрттиргенин Национал школа хөгжүдер институт дыңнаткан.
Жюри кежигүннеринге ажылдап турган эртемден, методист башкылар Л. Кара-оол, С. Лопсан, Е. Куулар хемчеглерге олуржуп, эртем, методика талазы-биле арга-сүмезин берип, деткээн.
Бүгү Россия чергелиг "Төрээн дыл болгаш төрээн чогаалдың тергиин башкызы-2025" деп мөөрейниң сөөлгү чадазы сентябрь айның эгезинде Бурят Республиканың төвү Улан-Удэ хоорайга болурун сагындырып каалы.
