Тывада ноябрь 7-де Бүгү Россияның школачылар олимпиадазының муниципалдыг чадазы ажылын эгелээнин ТР-ниң Өөредилге яамызы дыңнаткан.
Школачылар 22 ниити билиг эртем талазы-биле – химия, төөгү, орус дыл, биология, уран чүүл, литература, технология, экология, информатика, право, физика, география, экономика, ОБЖ, математика, обществознание, физкультура, астрономия, а ол ышкаш англи, француз, немец база кыдат дылдарда киржип турар.
Декабрь 3-ке чедир үргүлчүлээр муниципалдыг чадада 7-11 класстарның школа чадазының тиилекчи болгаш призер өөреникчилери кирген. Олар 2024 чылдың январь айда угаан маргылдаазының регионалдыг чадазынга киржир эрге дээш демисежирлер. А элээн хөй баллдар алган регионалдыг чаданың киржикчилери олимпиаданың түңнел чадазынга киржир.
Бүгү Россияның школачылар олимпиадазының түңнел чадазының тиилекчи болгаш призерларының дипломнары салдар-хамаарылгалыг шаңнал болур. Ук шаңнал школачыга российжи күрүне дээди өөредилге черлеринче олимпиаданың эртеми-биле кирер шылгалдалар чокка кирер эргелиг болур дээрзин сагындыраалы.
Молодежь и работодателей Республики Тыва приглашают на Летнюю конференцию проекта «Профразвитие»
Проект «Профразвитие» Президентской платформы «Россия – страна возможностей» приглашает студентов старших курсов, выпускников и HR-специалистов Республики Тыва на Летнюю конференцию.