Тывада Бүгү Россияның школачылар олимпиадазының регионалдыг чадазы ажылын эгелээнин ТР-ниң Өөредилге яамызы дыңнаткан.
Регионалдыг чаданың эртер хуусаалары база чуруму Россия Федерациязының шупту субъектилеринге Россияның Чырыдыышкын яамызы тодараткан.
Регионалдыг чадада 9-11 класстарның школачылары киржир, ол дээрге муниципалдыг чаданың тиилекчилери болгаш призерлары. Тываның школаларындан Бүгү Россияның школачылар олимпиадазының регионалдыг чадазынга киржири-биле 2164 өөреникчиден билдириишкин кирген.
Бо чылын Бүгү Россияның школачылар олимпиадазы 22 эртемге эртер болгаш дөрт чада кирип турар: школа, муниципалдыг, регионалдыг болгаш бүгү Россияның деңнелиниң түңнел чадазы.
Бүгү Россияның чадазының тиилекчилер болгаш призерлары Россияның кандыг-даа дээди өөредилге албан черинче шылгалдалар чокка, олимпиаданың угланыышкынынга дүүштүр, кирер эргелиг болур дээрзин сагындыраалыңар. Регионалдыг чада февраль 29-та доостур.
Школачылар олимпиадазы чылдың-на билиг бээр деңнелди бедидер база школачыларның угаан болгаш чогаадыкчы салым-чаяанын сайзырадыр, эртем билиглерин суртаалдаар, өөреникчилерниң чогаадыкчы салымныын, эртем ажыл-чорудуунга сонуургалын хөгжүдер болгаш эрте илередип тывар, эң-не чаяанныг өөреникчилерни илередир сорулгалыг эрттирип турар.
Путин выступил со срочным обращением
В ходе обращения Президент заявил о применении против РФ дальнобойного оружия Запада, а нанесение ударов по территории РФ западными дальнобойными ракетами придало конфликту на Украине черты глобально…