Каа-Хем кожууннуң Бүрен-Хемде "Хүнчүгеш" уруглар садында шыдыраа клувун байырлыг байдалга ажытканын чагырга чери дыңнаткан.
Чалыы шыдыраачыларның одуруунче Дамба Монгуш, Ванесса Биликти, Булат Кускен-оол, Сайнаш Бичелдей, Начын Сегбе, Асель Лакпа, Даваа-Серин Ооржак, Виктория Салчак олар кирген. Бичии бүрен-хемчилер «Шыдыраа үжүглели» клувунда угаан-медерел сайзырадыр оюну улуг сонуургал-биле өөренип кирипкеннер.
Чаштарның өөрүшкүзүн уруглар садының методизи З.А. Монгуш, сумунуң шыдыраага каш дакпыр чемпиону, салым-чаяанныг ада А.К. Бимба, шыдыраачылар, бөлгүм башкылары болгаш ада-иелер үлежип, байыр чедирген.
Байырлыг хемчег улуг болгаш бичии шыдыраачылар аразынга турнир-биле доозулган. Киржикчи бүрүзү шыдыраа делегейиниң тиилекчизи болган.
