Таңды кожууннуң төвү Бай-Хаакта спорт ордузунда Тыва Республиканың бирги чери дээш элээди оолдар болгаш уруглар аразында ча адар маргылдаа эртип турар.
Спортчу маргылдааны ТР-ниң чыынды командаларын белеткээр спорт төвү, ТР-ниң ча адар федерациязы эрттирип турар. Кол шииткекчилер коллегиязынче Аяна Сади база кол секретарь Елена Достай кирген.
Бай-Хаакта 2003-2005 база 2006-2009 чылдарда төрүттүнген элээди оолдар, уруглар аразынга маргылдаалар эртип турар. Тиилекчилерни илередир түңнел раунд бөгүн болур.
Ча адар маргылдааже баш бурунгаар чагыгны Мөңгүн-Тайга, Эрзин, Улуг-Хем, Чеди-Хөл, Тожу кожууннардан болгаш Кызыл база Чадаана хоорайлардан 131 ча адыкчызы киирген.
Ча адар маргылдааның кол сорулгазы – Россияның бирги чери дээш ча адар маргылдааже Тываның чыынды командазын хевирлээри, спортчу мергежилди бедидери, күш-культураны, амыдыралдың кадык овур-хевирин база спортту нептередири.
