Бай-Тайга кожуундан хууда сайгарлыкчы Начын Баавыл мал согар болгаш эът болбаазырадыр цехти ажыдып алганын чагырга чери дыңнаткан.
Аныяк сайгарлыкчы Тываның Чазааның деткимчези-биле дериг-херекселди садып алган. Байырлыг хемчегге ТР-ниң Көдээ ажыл-агый яамызының, кожуун чагыргазының төлээлери киришкен.
Бай-Тайга кожууннуң чагырга даргазы Чингис Салчактың дыңнадып турары-биле алырга, кожууннуң чурттакчылары 125000 баш шээр, 12000 баш бода малды тудуп турар.
