Бай-Тайга кожуунда Күрүне Думазының депутаттарын, Тываның Баштыңының соңгулдалары эгелээнин чагырга чери дыңнаткан.
Даң бажындан тура кожууннуң соңгулда участоктарынче бай-тайгажылар боттарының хамааты хүлээлгезин күүседир дээш кээп турар.
Бир дугаарында кожууннуң удуртукчулары конститусчу эргезин ажыглап, бадылаан.
Кожууннуң чагырга даргазы Чингис Салчак чаңгыс чер-чурттугларын соңгулдага идепкейлиг киржиринче кыйгырган.
Сентябрьның 18, 19, 20 хүннеринде бистиң чуртувуска чаңгыс аай бадылаашкын хүнү болуп эртер. Соңгулдаларның түңнелдери-биле Күрүне Думазының депутаттарын, Тываның Баштыңын, Дээди Хуралдың депутадын база муниципалдыг Төлээлекчи хуралдарының депутаттарын соңгуур.
