Тываның чурттакчылары 2024 чылда национал төлевилел-биле чаагайжыттынар девискээрлерни шилип турар. Эрткен чылдың бадылаашкынының түңнели-биле, бо чылын республиканың хоорай база суурларында 30 хөй-ниити шөлдерин эде чаартыр, ынаар күрүне 100 сая рубльди аңгылаан.
«Таарымчалыг хоорай хүрээлелин хевирлээри» федералдыг төлевилелди боттандырары-биле, май 31-ге чедир чаагайжыдылга объектилери дээш https://za.gorodsreda.ru/. шөлчүгешке ээлчеглиг бүгү-российжи онлайн-бадылаашкын уламчылаарын сагындыраал.
Эрткен чылдың бадылаашкынының түңнели-биле, бо чылын Бай-Тайга кожууннуң Бай-Талда дыштанылга парыгын чаагажыдып турар. Бай-Тайга кожууннуң баштыңы Экер Байс оъектиге чедип, тудуг ажылдарын хынап көрген.
Объектини И.С. Таргын хууда сайгарлыкчы чаагажыдып турар. Тудуг ажылдарынче тус черниң чурттакчыларын хаара туткан
