Таңды кожууннуң чагыргазының төлээлери “Байлак” лагеринде септелге ажылдарында киржип турарын чагырга чери дыңнаткан.
ТР-ниң Өөредилге яамызының дыңнатканы-биле алырга, республикада чайгы үеде 159 хүндүскү, 21 стационар, ийи майгын, бир күш-ажыл болгаш дыштанылга лагерьлери ажылдаары планнаттынган.
Лагерьге дыштаныр путевканың ортумак өртээ – хүндүскү лагерьге 6537,3 рубль, майгыннарга – 5459,6 рубль, стационар лагерьге – 18776,2 рубль.
Оон аңгыда, «Артек», «Океан», «Смена», «Орленок», «Алые Паруса» бүгү-российжи болгаш делегей чергелиг уруглар төптери Тываның уругларынга 99 путевканы тускайлаан.
