Тываның өөредилге адырында кышкы дыштанылгаларның байырлыг хемчеглери «Кулактыг Чаа чыл» деп кыйгы-биле эртерин ТР-ниң Өөредилге яамызы дыңнаткан.
Бөгүн Тываның Баштыңының уругларга Чаа чылдың Елказы болур. Ук хемчег Тываның В. Көк-оол аттыг национал хөгжүм-шии театрынга ийи кезекке эртер. Аңаа республиканың шупту кожууннарындан муң тергиин өөредилгелиг школачы келир.
Өөредилге албан черлеринге Чаа чылдың хемчеглери декабрь 28-ке чедир болур.
Школачыларның кышкы дыштанылгалары декабрь 30-ден 2023 чылдың январь 8-ке чедир уламчылаар.
Школачыларның кышкы дыштанылга үезинде культура, өөредилге болгаш спорт албан черлеринде түр када дыштанылга черлеринге база школа, муниципалдыг болгаш регионалдыг деңнелдиг кезек хемчеглерни организастаар.
Допчузу-биле: https://monrt.rtyva.ru/index.php/ru/osennie-kanikuly
