Мөнгүн-Тайга кожуунга тускай шериг операциязының киржикчизи Балчий Донгактың чырык адынга турскааткан республика чергелиг бокс маргылдаазы болуп эрткенин чагырга чери дыңнаткан.
Маргылдаага Тываның аңгы-аңгы кожууннарындан 100 ажыг боксер киришкен. Кожуун баштыңы Орлан Конзай чыылганнарга байыр чедиргеш, спортчуларга тиилелгени күзээн.
Дөрт хүн үргүлчүлээн чидиг демиселдиң түңнелинде шыырактарның шыраа илереттинген.
“Тергиин шииткекчи” – Тес-Хем кожуундан тренер башкы Шораан Чооду, “Тергиин боксер” – “Олимп” олимпийжи курлавыр спорт школазындан Байыр Салчак, “Тергиин тренер” – Тес-Хемден Түмен Оюн. Тергиин техника дээш “ЦСКА-Тыва” спорт школазының төлээзи Артыш Очур, Тиилелгеже чүткүл дээш Мөңгүн-Тайгадан Айызан Тандыжап оларны шаңнаан.
Тускай шериг операциязының үезинде маадырлыы-биле мөчээн дайынчыга Эрес-дидим чоруктуң орденин мөчээниниң соонда тывыскан. Маадырның ада-иезиниң болгаш төрелдериниң саналы болгаш деткимчези-биле спортчу хемчегни эрттирген.
