2024 чылда чаагайжыдар хөй-ниити девискээрлерин Тываның чурттакчылары идепкейлиг шилип турарлар. Апрель 25-тиң медээлери-биле алырга, https://17.gorodsreda.ru/ порталда чоруп турар бадылаашкынга 25 муң кижи үнүн берген.
Республиканың идип үндүрген объектилери 51,5 муң үнден эвээш эвес санны алыры – акша-хөреңгини алырынга кол негелде. Ынчангаш Тываның Баштыңы Владислав Ховалыг бадылаашкынның эгелээнин дыңнадып тура, аңаа сонуургалдыг болгаш демниг киржиринче чаңгыс чер-чурттугларын кыйгырган.
Бо чылын саналдаан эгелээшкиннерниң элээн кажы тускай шериг операциязында киржип турган дайынчы оолдарның чырык адынга тураскаатканын демдеглээн. “Чамдык черлерге “Алдар аллеязын” кылыр чадавас” – деп, ол чугаалаан.
Тываның тудуг сайыды Аяс Хунай-оол бо чылын республиканың муниципалдыг тургузуглары элээн идепкейжи болуп турарын демдеглээн. Барыын-Хемчик биле Бии-Хем кожууннарның чурттакчылары боттарының девискээрлерин чаагайжыдып алырынга элээн сонуургалдыг болуп, эң идепкейлиг бадылап турарын ол айыткан.
Сүт-Хөл, Каа-Хем, Улуг-Хем, Өвүр, Кызыл, Эрзин база Тес-Хем кожууннарның чурттакчылары элээн шүшпең чоруп турар. Кызылчылар болгаш таңдыжылар оон-даа дора. Бир эвес сөөлгү черде кожууннар ол-ла хевээр турар болза, чаагайжыдылга программазынче кирбейн барып болур.
Бадылаашкын майның 31-де доостурун, аңаа Тываның 14 хардан өрү назылыг шупту чурттакчылары киржип болурун сагындыраал.
Тувинские врачи спасли беременную женщину с тяжёлой патологией сердца
В Туве врачи своевременно выявили тяжёлую патологию сердца у 41-летней беременной женщины.