“Чурттаар оран-сава болгаш хоорай хүрээлеңи” президентиниң национал төлевилелиниң “Таарымчалыг хоорай хүрээлеңин хевирлээри” федералдыг төлевилел-биле каш-ла чыл дургузунда Тывада 140 ажыг сесерликти, паркты, уруглар болгаш спорт шөлүн база стадионну эде чаарткан. Бо чылын 30 хөй-ниити девискээрин чаартырынче 102 ажыг сая рубльди үндүрген.
Барыын-Хемчик кожууннуң чагырга чериниң даргазы Аяс Донгак национал төлевилелдиң ачызында кожуунда чаартынган хөй-ниити девискээрлерин таныштырган.
– Эрги-Барлыкта Аныяктар сесерлии туттунган. Ында аныяктардан аңгыда уругларга болгаш хоочуннарга дыштаныр черлерни аңгылаан. Барлык сумузунда чаа хөй-ниити девискээрлерин (спорт болгаш баг кагар оюн шөлчүгештери) чаартып эгелээн.
Шекпээрде Чаңгыс эп шөлүнде Хүндүлел самбыразын, бок төгер хааржактарны, дыштанып олурар сандайларны, фонарьларны тургузуп, брусчатканы эптеп, чаткан. Сумунуң аныяктары аңаа “Гитара дүнү” деп акцияны эрттирген.
