Национал школа хөгжүдер институттуң улуг методистери Азиана Саая, Снежана Ондар, эртем ажылдакчызы Чочагай Хомушку Кызыл кожууннуң өөредилге эргелели-биле кады демнежип, кожууннуң школаларындан келген дагдыныкчы башкыларга өөредилгениң этнокультурлуг ужур-утказынга хамаарышкан билиглерни болгаш мергежилдерни сайзырадырының айтырыгларын чугаалажып, арга-дуржулгазын солчуру-биле үнүүшкүннү кылганын институт дыңнаткан.
Практиктиг семинарга Элегес-Аксы ортумак школазының башкылары болгаш Кызыл кожууннуң “Эврика” немелде өөредилге төвүнүң ажылдакчылары боттарының чогаадыкчы ажылын семинарның киржикчилеринге таныштырган. Олар ажык кичээлдерни эрттирип, мастер-класстарны көргүскен.
Башкылар сонуургаан айтырыгларын салып, боттарының бодалдары-биле үлежип, дараазында ажылдаарынга идиг болур кылдыр арга-сүмезин берген.
Ук хемчегге ниитизи-биле сумулардан 48 башкы киришкен. Дагдыныкчы башкылар илеткелчилерге болгаш мастер-класс эрттирген иштежилеринге четтиргенин илереткен.
