Чоокта чаа Биче-Тей кырында "Өгбелеривис чурту бистиң Биче-Тейивис" стеланы Шекпээр суурдан, амгы үеде Улуг-Хем кожуунда амыдырап-чурттап чоруур Андриан Ооржак база ооң тус черде дөргүл-төрели, дуңмалары кылып тургусканын чагырга чери дыңнаткан.
Биче-Тей – суурнуң чиңгине ады, шекпээржилерниң ыдыктыг даа, 60-70 чылдарның аныяктарының өңнүг будуктар-биле бижип каан аттарын шыгжап арткан төөгүлүг тейи.
Биче-Тей каракка илдикпес бичии дагжыгаш кылдыр көстүр, кырынче үнүп келгеш харай бээрге, Барыын-Хемчик кожуунун адышта дег көргүзүптер.
