Аржаан сумузунуң "Аленушка" уруглар садынга 4-6 харлыг чаштар аразынга кожуун чергелиг шыдыраа маргылдаазы болуп эрткен.
Бичии шыдыраачыларның оюнун Аржаан школазының күш-культура башкызы Тимур Дапы шииткекчилеп эрттирген.
Маргылдааның түңнелдери-биле, Сөөш сумузунуң уруглар садындан Ария Лаксаева тиилээн, Алдын-Шуру Дапыян ийиги черге төлептиг болган. Туранның бир дугаар уруглар садының төлээзи Аран Шимээлге үшкү черде. «Аленушка» уруглар садының кижизиттирикчизи Сугдер Быстан-оол биле Турандан Далай Чашпаяк дөрткү черни кады үлешкеннер.
Эрткен чылын "Аленушка" уруглар садында шыдыраа бөлгүмү ажыттынган. Школа назыны четпээн уруглар өөредир албан чери маргылдааны бедик деңнелге эрттирген.
Тываның Баштыңы Владислав Ховалыгның грант деткимчези-биле «Уруглар садтарынга – шыдыраа» төлевилели боттанып эгелээнин сагындыраал.
