Бии-Хем кожууннуң чагырга чериниң даргазы Владимир Байыр-оол Тываның Баштыңы Владислав Ховалыг-биле «дорт харылзаага» хамаарыштыр санал-оналы-биле үлешкен.
– Тываның Баштыңы Владислав Товарищтайович Россия Федерациязының Президентизи Владимир Путинниң регионга ажыл-агыйжы сургакчылаашкынының түңнелдери-биле бадылаан даңзыны тодаргайы-биле таныштырды.
Бии-хемчилерни келир чылын Туран – Аржаан – Хадын автооруун асфальт-биле шывар дугайында медээ өөрткен. Ук автоорук республиканың турисчи черлериниң бирээзи – «Хааннар шынаазы» базырыктар комплекизиниң девискээринде турар. Ол ышкаш бо угланыышкында Аржаан, Тарлаг, Хадың сумулары, Чкаловка арбаны болгаш малчын турлаглар бар.
Бистиң кожууннуң чурттакчылары «дорт харылзаага» идепкейлии-биле киришкенин демдеглекседим. Олар ук автоорукту септедир дээш элээн хөй дыңнадыгларны киирген. "Демнигде күштүг, депкииштигде быжыг" деп үлегер домаавысты бадыткадынар, чаңгыс чер чурттугларым!
Тываның Баштыңынга бистиң кожуунче сагыш салып турарыңар дээш, четтиргенивисти илередип тур бис.
В Туве в рамках губернаторского проекта «Сорунза» улучшают инфраструктуру культуры
В последние годы Тува активно развивает инфраструктуру культуры, делая акцент на поддержку сельских районов.