Бии-Хем кожууннуң Өөк сумузунга бичии болгаш элээди оолдар аразынга кожуун чергелиг хүреш маргылдаазы болуп эрткенин суму чагыргазының даргазы Чингис Оттукай дыңнаткан.
2018-2019 чылдың оолдарының аразынга шүүлген мөге – Айырат Маскыров (Туран хоорай). Үжүүрде Күдерек Шагдыров (Сесерлиг). Үшкү черни Аюш Дуужук (Туран) чаалап алган.
2016-2017 чылдың оолдарының аразынга бирги черни Бады-Сагаан Нурсат (Найырал арбаны) чаалап алган, үжүүрде Сүлдем Куулар (Туран), үшкү-дөрткү черлерде Темучин Лагбы (Өөк) база Болат Ондар (Туран) олар болган.
2014-2015 чылдың оолдарының аразынга шүүлген мөге – Сайын Маскыров (Туран). Үжүүрде Нурсат Бады-Сагаан (Найырал арбаны). Үшкү-дөрткү черлерни Ай-Херел Оюн (Өөк) база Аганак Маады (Сесерлиг) ээлээн.
2012-2013 чылдың оолдарының аразынга бирги черни Судал Салчак (Сесерлиг) чаалап алган, үжүүрде Бады Ондар (Сесерлиг). Үшкү-дөрткү черлерде Сайын Маскыров (Туран) база Дапыл Күжүгет (Найырал абаны) олар болган.
2010-2011 чылдарның мөгелериниң аразынга шүүлген мөге – Саит Сат (Хадын). Үжүүрде Судал Салчак (Сесерлиг). Үшкү черни Айдыс Манзыр (Сесерлиг) ээлээн.
Суму чагыргазы деткикчилер – Михаил Оюн биле Екатерина Сагандайга четтиргенин илереткен.
Өөктүң чагыргазы, школа, уруглар сады, көдээ культура бажыңы болгаш фельдшер-акушер пунктузунуң коллективтери база депутаттары сумуга национал хүрешти сайзырадырынга үлүг-хуузун киирип, келир үениң шыырак мөгелерин деткип турар.
#Бии_хемкожуун #Өөк #ТМГМедээлер #Тыва #Тывамедээ #Тывадыл #Тывамедиагрупп #Тува
