Тывага бирги классче бижидилге эртен эгелээр. Алды хардан сес хар чедир уругларны бирги классче бижидер. Ада-иениң билдириишкининге даянгаш, уругнуң школа кирер хары шала эрте азы орайтадыр хүлээп болур.
Хүлээп алыышкынны ийи чадага эрттирер. Школаже бир дугарында кирер эргелиг болгаш школага быжыглаан девискээрде чурттап турар уругларны апрельдиң 1-ден июнь 30-ге чедир бижидер.
Ол школада өөренип турар кады төрээн угба, акылыг, школа чанында чурттап турар уругларны, ол ышкаш дужаалда кирген албан черлериниң ажылдакчыларының база шериг албан-хүлээлгелиглерниң ажы-төлүн бирги үе-чадада хүлээп алыр.
Июль 6-дан сентябрь 5-ке чедир хостуг олуттарны көрүп, хүлээп алыышкынның ийиги чадазы эртер. Быжыглаттынган девискээрде чурттавайн турар ажы-төлге ол көрдүнген. Ийиги чадазында күзелдиг ада-иелер билдиришкинни киирерге, хостуг олуттарны көрүп, хүлээп алыр.
Тыва Республиканың Өөредилге яамызының баш бурунгаар санаашкыны-биле алырга, 2023-2024 өөредилге чылында бирги классче 6409 уруг кирер. Ынчалза-даа оларның саны көвүдеп болурун албан чери дыңнаткан. Эрткен чылын баш бурунгаар санаашкыннар-биле парталар артынга 6335 уруг олурар турган болза, оларның саны 7130 чеде берген.
В Хову-Аксы открыли мемориальную доску в честь Дамдына Чанныка Салчак-ооловича
Накануне в селе Хову-Аксы Чеди-Хольского района состоялось торжественное открытие мемориальной доски в честь земляка Дамдына Чанныка Салчака-ооловича, погибшего при исполнении воинского долга в специ…