Чурттуң Президентизи Владимир Путинниң даалгазы езугаар биче хоорайлар болгаш төөгүлүг суурларга таарымчалыг хоорай хүрээлеңин тургузар дээн тулган төлевилелдерниң бүгү-российжи мөөрейин 2018 чылдан тура эрттирип эгелээн.
«Чуртталга оран-савазы болгаш хоорай хүрээлели» национал төлевилелдиң VIII бүгү-российжи мөөрейниң чоннуң бадылаашкыны-биле илереткен тиилекчилериниң бирээзи – Ак-Довурактың «Ак тоолчургу чугаа» төлевилели. Хоорай бо чылын чаартынар. Төп кудумчу амгы үении-биле шиметтинер. Чаңгыс аян-шинчи-биле спорт шөлүн, чаа арт-объектилерни, фото-девискээрлерни тудар.
Ак-Довурактың кол архитектору Саглай Сединиң чугаазы-биле алырга, төлевилел езугаар К.Сагды аттыг Культура ордузунуң шөлүн чаартыры, төп кудумчуже кирер девискээрни тематиктиг чаагайжыдары, агаарлаар орукчугаштарны, дыштанылга черлерин тудары, амгы үениң спорт шөлүн тургузары көрдүнген.
Төлевилелдиң боттанылгазы 2025 чылда доостур. Хоорайның төп кудумчузу онзагай хевир кирип, чурттакчыларга болгаш аалчыларга таарымчалыг девискээр апаар.
