Тываның Спорт яамызы чылдың түңнелдерин үндүрүп тура, элээн каш улуг спортчу хемчег төөгүге артарын демдеглээн. Оларның аразында ча адарынга Россияның чемпионады, дзюдо болгаш холушкак хүрешке Сибирь федералдыг округтуң чемпионаттары, шыдыраага, спортчу хостуг хүрешке бүгү-российжи маргылдаалар, Россия Федерациязының Камгалал сайыдының кубогу дээш шериг албан-хүлээлгелиглер аразынга II делегей чергелиг хүреш маргылдаазы (аңаа Россиядан аңгыда, Армения, Белоруссия, Иран, Сирия, Таджикистан, Моол, Казахстан, Тунис база киришкен), Тываның муниципалдыг тургузуглар аразында I кышкы спартакиада бар.
Чээрби беш спорт албан черлеринде спорттуң 27 хевиринге 400 ажыг тренер болгаш башкы келир үениң чемпионнарын белеткеп турар. Бистиң 120 хире спортчувус Россияның чыынды командаларынче кирген.
Бо чылын Тываның 2008 спортчузу болгаш тренери спорттуң аңгы-аңгы хевирлеринге албан езузу-биле 236 бүгү-российжи, регионнар аразының, делегей чергелиг болгаш өске-даа спортчу маргылдааларга киржип, аңгы-аңгы үнелиг 492 медальдарны: 147 алдын, 139 мөңгүн, 206 хүлерни чаалап алганнар.
Республиканың спорт инфратургузуу идепкейлиг хөгжүп турар. Ынчалдыр Каа-Хем хоорайда спорт-культура төвүнүң тудуу доозулган, Кызылда, Эрзинде, Шемиде, Кундустугда, Өөкте спорт залдары туттунуп, алды спортчу школаны үндезини-биле септеп кылган.
Бо чылын Тывага ниитизи-биле 221 массалыг спортчу болгаш күш-культура хемчеглерин организастаан болгаш эрттирген, аңаа 25 муң хире кижи киришкен. Күш-культура болгаш спорт-биле доктаамал белеткенип турар республиканың чурттакчыларының саны 178,5 муң кижини ажа берген, ол дээрге ниити чурттакчы чоннуң 57,8 хуузу болур. Эрткен чылга деңнээрге, дөрт муң хире хөй. Бо көргүзүгнүң турум өзүлдезинге аңгы-аңгы чылдагааннар дузалап турар – кадык амыдырал дээш модадан эгелээш, “Демография” национал төлевилелдиң “ Спорт – чуртталганың чаңчылы ” дээн ышкаш федералдыг төлевилелдерге чедир, ооң ачызында хүн бүрүде спортчу ажыл-чорудулга экижээн.
Почётный донор из Тувы Сай-Суу Ондар совершила юбилейную, 50-ю сдачу крови
Жительница Тувы, обладательница звания «Почётный донор России» Сай-Суу Ондар провела свою юбилейную, пятидесятую по счёту, донацию.