Кызылдың экономика болгаш хоойлу-дүрүм техникумунга веб-технология талазы-биле «Бедик мергежилче орук: IT-шылгараңгай угаан» деп мөөрей Кызыл хоорайның школачыларының болгаш республиканың техникумнарының сургуулдарының аразынга болуп эрткен.
Хемчегни тускай шериг операциязының киржикчизи, Эрес-дидим чорук орденниң эдилекчизи (чок болган соонда шаңнаан) Болат Давааның чырык адынга тураскаадып эрттирген.
ТР-ниң Дээди Хуралының Бюджет, үндүрүглер, экономика болгаш сайгарлыкчы чорук талазы-биле хораазының даргазы Алдын-кыс Конгар мөөрейниң киржикчилеринге байыр чедирген.
Школачылар аразынга мөөрейге Дүгер Даргат тиилекчи болган.
