Тываның Арга-арыг болгаш бойдус ажыглалының яамызы «БумБатл» бүгү-российжи экологтуг акцияга декабрь 20-ге чедир киржип болурун дыңнаткан.
«БумБатл» акция ажыглаттынган саазынны улаштыр болбаазырадыр кылдыр чыып тургаш, бойдус курлавырларын кадагалаарынга идепкейлиг киржир арганы кижи бүрүзүнге берип турар. Ол чүүл экологтуг билиглерни бедидеринге болгаш катап ажыглап болур материалдарны шын ажыглаарынга кижизидер.
Макулатураны Кызыл хоорай, Калинин кудумчузу 1Б (Машзавод) хүлээп турар. Харылзажыр телефону: 8 (39422) 6-28-03
Акцияга киржиринче шупту сонуургалдыг кижилерни кыйгырган.
