Тываның Баштыңы Владислав Ховалыг Тыва биле Беларусь Республиканың бурунгаар кады ажылдажылгазының дугайында дыңнаткан.
Тыва биле Беларусьтуң аразында амгы дугуржулга ажыл-чорудулгазының ажылчын бөлүүнүң хуралы дүүн Москвага болуп эрткен. Гродно облазының күүсекчи комитединиң даргазы Владимир Караник партнерларның талазын удурткан.
– Дорт харылзааны тутканывыстан бээр ийи чыл дургузунда бараан саарылгазы көвүдээн. Бөгүнгү бистиң чугаавыска мал эмнери, көдээ ажыл-агый болгаш тудуг техниказы бүдүрер компанияларның төлээлери киришкен. Ындыг бүдүрүлгелер-биле харылзаагаа база кады ажылдажылгага сонуургалдыг бис.
Төп-Евразия демир-орук оруун тудар талазы-биле Президинтиниң даалгазын күүседиринге Тываны таварты Моолче база Кыдатче чурттар аразында маршрут дугайында төлевилелди сонуургаттым. Белорус тала Азия чурттары-биле кады ажылдап турар болгаш чаа маршрутка сонуургалдыг болду – деп, Владислав Ховалыг медеглээн.
Ийи чыл буругаар аай-дедир албан ажыл-чоруу-биле эгелээн Тыва биле Беларусьтуң моон соңгаар кады ажылдажылгазын ийи тала сайгарып чугаалашкан. Үлетпүр, көдээ ажыл-агый, садыг-саарылга база туризм талазы-биле угланыышкыннарга колдады кады ажылдаары көрдүнген.
В Туве запускают новый медиапроект «Открой Туву»
Глава Республики Тува Владислав Ховалыг сообщил в своем блоге о том, что в Туве запускают новый медиапроект Центра управления регионом по названием «Открой Туву», направленного на популяризацию богат…