Ч. Артай-оол аттыг драма театрынга дөрт ногаан меңгилиг суг олуттуг каразымаар Тоолай чылы уткуштур хоочуннарга солун оюн-тоглаалыг байырлалды эрттиргенин Мөңгүн-Тайга кожууннуң чагырга чериниң даргазы Чойган дыңнаткан.
Улуг назынныг хоочуннар аяк-шайны аартавышаан, тывызыктажып, кожумактажып, кажык, чинчи чажырар, чечен чугаа, дүрген-чугаа мөөрейлеринге идепкейлиг киришкеннер. Ниитизи-биле чээрби өгбе мөөрейлешкен.
Мөңгүн-Тайганың Өг-бүлеге болгаш уругларга социал дуза чедирер төвүнүң ажылдакчылары «Хуулгаазын шөл» деп мөөрейни эрттирген. Любовь Намчыл эне тиилекчи болган.
Кожуун чагырга чериниң удуртулгазы, культура, күш ажыл болгаш социал хөгжүлде эргелелдериниң, социал төптүң болгаш драма театрының ажылдакчылары буурул баштыг өгбелерге удавас чаларап келир Шагаа байырлалын уткуштур кадыкшылды, узун-назынны күзээн.
