Буян-Билег Ооржак Бүгү-россияның ада-иелер комитединиң хуралынга киришкен

«Билиг» российжи ниитилел өөредилге сменазын «Машук» билиглер төвүнге Россияның 77 регионундан 140 ада-ие болгаш өөредилге организацияларының төлээлери, оларның аразында Тыва Республиканың төлээзи, тускай шериг операциязының киржикчизи Буян-Билег Ооржак киришкен.

РФ-тиң өөредилге сайыды Сергей Кравцовтуң киржилгези-биле эрткен Бүгү-российжи ада-иелер комитединиң хуралы – программаның чугула кезээ болган.

«Билиг биле ада-ие» деп программага киржикчилер уруглар-биле ажылдаарының амгы үениң хевирлерин болгаш аргаларын, өг-бүле биле школаның аразында харылзааның хевирлерин база регионалдыг болгаш бүгү-российжи ада-ие комитеттериниң кады ажылдажылганың онзагай талаларын билип алганнар. 2040 чылга чедир өөредилгени хөгжүдериниң эчис сорулгазын ажылдап кылыры-биле ада-ие ниитилели-биле кады ажылдажылганы ужуражылгада чугаалашкан.

Ужуражылгага 26 тиилекчи төлевилелдиң төлээлери, ол ышкаш аңгы-аңгы регионнардан ада-иелер болгаш башкылар киришкен. Тываны хөй ажы-төлдүг ада, директорнуң чөвүлекчизи, школада ада-ие эгелээшкиннериниң «Ромашка» төвүнүң тургузукчузу, тускай шериг операциязының киржикчизи Буян-Билег Ооржак төлээлеп барган. Ол адалар чөвүлелиниң база идепкейжизи. Директорнуң чөвүлекчизи шериг-ада-чуртчу спортчу клуб төлевилелин боттандырганы дээш «Чылдың эгелээшкини» мөөрейге Тываның Баштыңының шаңналын алган.

Ужуражылганың төнчүзүнде «Билиг» ниитилели биле Россияның Өөредилге яамызы 2025 чылда башкыларга, ада-иелерге, аныяктарга болгаш уругларга 60 хире хемчег кирген каттышкан планны бадылаан.

Россияның «Знание» ниитилелинден база РФ-тиң Чырыдыышкын яамызындан ада-иелер ниитилелиниң эгелээшкиннерге мөөрейниң ийиги сезонунга киржир билдириишкиннерни ам-даа хүлээп турар. 2025 чылда 700 хире сая рубльди үндүрүп, дөрт катап хөй ада-ие комитеттерин шаңнаары планнаттынган. Билдириишкиннерни 2025 чылдың март 11-ге чедир Знание.Академия сайтыга хүлээр.