Чаа чыл уткуштур чазылдырар салюттар, фейерверктерни хоорайның кудумчуларында хөйү-биле садып эгелээн. Пиротехниканың чамдыызы чогуур хыналда эртпээн, чөпшээрели чок-даа болур.
Кылымал меге пиротехникадан улус айыыл-халапка таваржып болур. Ынчангаш салют, фейерверктерни чөпшээрелдиг тускай садыглардан садып алыры чугула.
Фейерверктерни ажыглап тургаш, айыыл чок чоруктуң дүрүмнерин сагыырын хамаатыларга Россияның Онза байдалдар яамызының Тывада кол эргелели сагындырып турар.
Чогуур хыналда эртпээн, тускай чөпшээрели чок салюттар, фейерверктер садып алырга, айыыл-халаптыг болуп болурун утпаңар!
