Чадаана хоорайда Улуг салгалдың харылзажыр төвү эжиктерин ажыткан. Россияның Социал фондузунуң Тыва Республикада салбыры регионда сески төптү ажытканы ол.
Cалбырның удуртукчузу Светлана Кенден төптү ажытканының ужур-дузазын чыылганнарга таныштырып, байырын чедирген. Ол кожууннуң хоочуннарын төптүң ажыл-ижинге идепкейлиг киржип, хостуг үезин ажыктыг эрттирерин күзээн.
Төптерни улуг назылыг кижилер аразында харылзажырынга, саң-хөө болгаш компьютер билиин бедидеринге идиг бээр кылдыр ажыткан.
Культура албан черлери, социал камгалал эргелелдери, хөй-ниити каттыжыышкыннары, эмнелге албан черлери лекцияларны болгаш мастер-класстарны эрттирип турар. Оон аңгыда аргыттынып-даараныр, аъш-чем кылыр мөөрейлер, делгелгелер, селгүүстээшкин болгаш экскурсиялар база болуп турар.
Буурул баштыглар онлайн-банкыларны ажыглаарын, бузурукчуларны билип алырын, акша-хөреңгизин айыыл чок болдурарын билип алыр аргалыг.
