Россияның Чырыдыышкын яамызының биле Өөредилге хайгааралының дужаалдары езугаар, 2024 чылда чаңгыс аай күрүне шылгалдаларын хуусаадан эрте – марттың 22-ден апрель 22-ге, кол үези – майның 23-тен июль 1-ге, немелде үези сентябрьның 4-ден 23-ке чедир дужаары бадылаттынганын регионнуң Өөредилге яамызы дыңнаткан.
Чаңгыс аай күрүне шылгалдазының кол үезиниң бирги шыглалдалары май 23-де география, литература болгаш химия-биле эгелээр.
Арткан экзаменнерни дараазында хүннерде дужаар:
- май 28-те – орус дылга
- май 31-де – математикага
- июнь 4-те – ниитилел билиглеринге
- июнь 7 база 8-те – информатикага
- июнь 10-да – төөгү биле физикага
- июнь 13-те – биологияга база даштыкы дылга (бижимел)
- июнь 17 биле 18-те – даштыкы дылга (аас-биле)
Июньнуң 20-де база июльдуң 1-де чаңгыс аай күрүне шылгалдаларының шупту эртемнеринге немелде хүннерни курлавырлаан.
Тываның студентилери буддийжи университеттерде
Дээди өөредилге черлериниң студентилери буддизмниң философиязын, медициназын болгаш сарыг шажын уран чурулгазын өөренип турар.