Улуг-Хем кожууннуң ветеринария эргелелиниң лаборантызы Аржаана Демиржанга албан чериниң чуртталга бажыңының дүлгүүрүн кожууннуң чагырга даргазының хүлээлгезин күүседип турарРадж Баз-оол байырлыг байдалга тывысканын чагырга чери дыңнаткан.
Аржаана Демиржан эргелелде ажылдаанындан бээр 12 чыл ажып турар. Ол ийи уруглуг. Өг-бүле хөй чылдарның дургузунда бажың хөлезилеп чурттап турган. Чаа чыл бүдүүзүнде олар чаагайжыттынган бажыңныг болган.
“Көдээ черлерниң комплекстиг хөгжүлдези” күрүне программазының “Албан чериниң чуртталга бажыңы” төлевилелдиң ачызында көдээ черлерде ажылдап турар тускай мергежилдиглер оран-бажыңының байдалын экижидип алыр аргалыг.
Көдээ черлерни хөгжүдерин деткээн бо программа Тывага дыка улуг ужур-дузалыг. Программаны узатканы республикага оон-даа хөй төлевилелдерни боттандырар арганы бээр.
