Тываның Баштыңы Владислав Ховалыгның даалгазы-биле, республиканың Культура яамызы школачыларга түр үениң дыштанылгазын организастаар. Дыштанылга төптери кышкы дыштанылга хүннеринде уругларның хостуг үезин шын эрттиреринге, айыыл чок чоруун хандырарынга идигни бээр.
120 культура албан чери база 19 ном саңының шөлдери ийи муң ажыг назы четпээннерниң кичээнгейин хаара тудар. Бирги ээлчегде улуг класс өөреникчилерин, амыдыралы чегей болгаш нарын байдалга таварышкан өг-бүлелер ажы-төлүн, тускай шериг операциязының киржикчилериниң уруг-дарыын хемчеглерже хаара тудар.
Дыштанылга төптеринге темалыг мастер-класстар шактары, чогаадыкчы мөөрейлер, спортчу маргылдаалар, экскурсиялар, угаан сайзырадыр викториналар, хөглээшкинниг болгаш оюн-тоглаалыг программалар, кинолар көрүлдези, ол ышкаш Чаа чыл болгаш Рождество утренниктери болур. Ол хүннерде бөлгүмнер, сонуургалдар клубтары, чогаадылга студиялары ажылдаар.
Дыштанылга төптери декабрьның 28-тен январь 7-ге чедир ажылдаар.
