Чаа-Хөл кожуун чагырга чери малчыннарның кандыг байдалдыг кыштаглап турарын доктаамал хынап турар.
Кожууннуң көдээ ажыл-агый килдизиниң, мал эмнелгезиниң, төп ном саңының ажылдакчылары Чаа чылдың чигирзиг белектерин малчыннарга үлевишаан, 15 кыштагны кезээн.
Корум-чурум талазы-биле аалдарда байдал эки. Малчын турлагларже аргыжар оруктар ажык. Кожуунда ажык одар белчиирлер 70 хуу. Мал чеми кыштагларда бар. Малдың ниити деңгели чүгээр байдалда.
