Тыва Республиканың улустуң чогаалчызы болгаш алдарлыг ажылдакчызы, Россия Федерациязының культуразының алдарлыг ажылдакчызы, журналист Артык Ховалыг «Дээрим – чаглаа, Черим – олбуу – бөдей Өөм» деп тоол чугаалар болгаш шүлүктер номун Тываның Национал архивинге, Тываның гуманитарлыг болгаш социал-экономиктиг тускай шинчилелдер институдунга, К. И. Чуковский аттыг уругларның ном саңынга дамчыткан.
Авторнуң Москвага чоокта чаа парладып үндүрген номунда Чеди чажыт ээзи Чанчып деп оол дугайында тоол «Россия чоннарының тоолу» деп 93 авторнуң чогаалы кирген чыындының «Улусчу ужурлар, тоолчургу чугаалар» деп эгеде кирген.
Москвада Тыва чогаалчылар салбырының даргазы Борис Балчий-оол хоочун чогаалчыны деткип, хемчеглерни удуртуп турар.
Артык Хөм-Отуковнаның 18 дугаар номунуң таныштырылгазы август 2-де 12.00 шакта К. И. Чуковский аттыг уругларның ном саңынга болур.
