Тываның школаларынга 15 педагогика клазын ажыдары планнаттынган ТР-ниң Өөредилге яамызы дыңнадып турар.
Башкы мергежилге өөреникчилерниң сонуургалын хаара тударынче угланган тускай психологтуг-педагогиктиг 15 класс республиканың школаларынга сентябрь 1-де ажыттынар.
Шак ындыг класстар чурттуң дыка хөй регионнарында бар. Тываның школаларынга ындыг класстар ажыдар санал Герцен аттыг Россияның күрүнениң педагогика университеди, Астафьев аттыг Красноярскиниң педагогика университеди, Санкт-Петербургтуң №47 школазының төлээлери-биле регионнуң Өөредилгени хөгжүдер болгаш билиг-мергежил бедидер институттуң башкылары-биле онлайн ужуражылга үезинде үнген.
Герцен университеди база Астафьев аттыг Красноярскиниң педуниверситеди-биле кады Тываның башкылар билии бедидер институт чаа класстарның методиктиг үделгезин чорудар.
#Өөредилгеяамызы #Педагогикакласстары #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
