Республиканың дыңнаары кошкак уругларның школа-интернады үндезин септелге соонда ажыттынган. ТР-ниң өөредилге сайыдының хүлээлгезин күүседип турар [id16282405|Ренат Ооржак] өөредилге черинге чедип, материал-техниктиг баазазын хынап көрген.
Школа-интернат 70 чыл бурунгаар тургустунган. Амгы үеде ында 150 ажыг уруг өөренип турар. Ренат Ооржак Россияның болгаш Тываның ыдык ырыларын имнеп очулдурбушаан күүсеткенин улуг сонуургал-биле дыңнап көрген. Байырлыг ажыдыышкын үезинде өөреникчилер болгаш башкылар аалчыларынга солун концерти бараалгаткан.
Оолдар болгаш уруглар чаартынган болгаш амгы үении-биле техниктиг чепсегленген школада өөренип эгелээн. Өөредилге корпузунда чылыг болгаш суг хандырылгазының, агаарладыышкынның чаа системаларын эптеп тургускан.
Школа-интернатта уругларга дааранылга болгаш чогаадылга, оолдарга чазанылга, идик септээр мастерскаялар ажылдап турар. Школаның директор Чодураа Монгушунуң чугаазы-биле алырга, олар "Абилимпикс" чемпионатта чедиишкинниг киржип турар.
