“Көдээ черниң культура ажылдакчызы” программаже чагыгларны апрель 15-те хүлээп эгелээрин ТР-ниң Культура яамызы дыңнаткан.
Он үш культура ажылдакчызы чаңгыс удаа төлээр бир сая рубльди алыр. Керээ негелдези езугаар олар шилип алганы албан черинге беш чыл ажылдаар ужурлуг. Керээзин хуусаадан эрте үзе чарган таварылгада деткимче төлевирлерин кезик-чамдыызын азы долузу-биле (культура албан черинге каш чыл ажылдаанындан хамааржыр) эгидер.
Культура ажылдакчы чаартынган объектилерге – көдээ клубтарга, дыштанылга төптеринге, ном саңнарынга, уругларның уран чүүл школаларынга, театрларга ажылдаар.
Кордакчылардан чагыгларны апрель 15-тен июль 15-ке чедир хүлээр. Тодаргайы-биле ТР-ниң Культура яамызының албан езузунуң сайтызындан culture-tyva.ru/ministerst... көрүп ап болур.
