Улуг-Хем кожууннуң үндезин ча адарының федерациязы Тывада Кадыкшыл чылынга тураскааткан маргылдааны эрттиргенин кожууннуң туризм килдизи дыңнаткан.
Шагаан-Арыг хоорайда Азия төвүнүң көшкүн чоннарының парыгынга болган спортчу хемчегге Улуг-Хем, Чөөн-Хемчик, Мөңгүн-Тайга, Тес-Хем, Кызыл, Чаа-Хөл, Сүт-Хөл кожууннардан адыгжылар киришкен.
Бирги черге Арсен Монгуш (Чөөн-Хемчик), ийиги черге Олег Чанчып (Улуг-Хем), үшкү черге Дан-Хая Хертек (Мөңгүн-Тайга), дөрткү черге Орлан Чанчып (Улуг-Хем), бешки черге Чаян Самдарак (Тес-Хем), алдыгы черге Сылдыс Ооржак (Сүт-Хөл) олар төлептиг болган.
