Бай-Тайга кожууннуң Хемчик сумузунуң Бүк деп черге, Ада-чурт камгалакчызының хүнүнге тураскааткан барыын кожууннарның адыгжылар аразынга араалыг аңчы бооларга 100 метр, 200 метр, 300 метр хемчээлдерге, ажык хараалга черге чыдып алгаш, адар боодалга маргылдаазы болуп эрткенин чагырга чери дыңнаткан.
Маргылдааны кожууннуң чагырга чери болгаш иштики херектер килдизиниң хоочуннары бедик деңнелге эрттирген. Аңаа ниитизи- биле 33 адыгжы база 11 бөлүк киришкен.
Бөлүктер аразындан бирги черни Барыын-Хемчик кожууннуң "Барыын-Хемчик-1" командазы, ийиги черни Чөөн-Хемчик кожууннуң "Элдиг-Хем" командазы, үшкү черни Бай-Тайга кожууннуң Тээли сумузунуң "Гараж" командазы чаалап алган.
Адыгжылардан 100 метр, 200 метр, 300 метр хемчээлдерге бирги черге "Барыын-Хемчик-1" командазындан Мерген Ооржак (58 сан),
ийиги черге "Барыын-Хемчик-3" командазындан Буян Саая (55 сан),
үшкү черге "Сарыг Хая" командазындан Кежик Салчак (52 сан) олар төлептиг болганнар.
Шаңналче кирген бөлүктерге эвээш эвес түңнүг акшаларны болгаш өртектиг белектерни тывыскан.
