Чөөн-Хемчик кожууннуң Мерген-Херел Монгуш аттыг культура бажыңынга «Челээш» ыры-хөгжүм ансамбльдиӊ тургустунганыныӊ төөгүзү болгаш ооң киржикчилериниӊ дугайында сактыышкын мөгейиглиг концерт ужуражылгазы болуп эрткенин чагырга чери дыңнаткан.
Бот-тывынгыр уран чүүлдүӊ хоочуну, ансамбльдиӊ ыраажызы, амгы үеде удуртукчузу Ян Коӊгар «Чөөн-Хемчик кожууннуӊ культуразыныӊ алдарлыг ажылдакчызы» деп бедик атка төлептиг болган.
Ансамбльдиӊ тургустунганындан бээр ойнакчылары соктаар болгаш өске-даа хөгжүм херекселдеринге дески ойнаар ыраажылары Хүреш-оол Кууларга, Роман Ооржакка, Шолбан Ондарга, Радик Түлүшке «Чөөн-Хемчик кожууннуӊ сайзыралынга киирген үлүг-хуузу дээш» деп медальдарны байырлыг байдалга тывыскан.
Ансамбльдиӊ удуртукчузу Анатолий Саттыӊ, Николай Комбуйнуӊ, Вадим Иргиттиӊ, Каадыр Күжүгеттиӊ, Айдурай Саттыӊ, амгы үеде чырык черде чок хөгжүмчүлерниӊ чоок кижилеринге тураскаалдыг бижиктерни, суй-белектерни сөңнээн.
1980-1990 болгаш 2000 чылдарда Тывага, Чөөн-Хемчикке билдингир турган, харын-даа Москва болгаш өске-даа хоорайларга конкурс-мөөрейлерниӊ тиилекчизи ыры-хөгжүмнүӊ «Челээш» ансамблиниӊ репертуарындан тургустунган концертти зал долу көрүкчүлер сонуургал-биле көргеннер.
