Улуг-Хем кожууннуң Арыг-Үзүү ортумак школазында тускай шериг операциязының үезинде дайынчы албан-хүлээлгезин эрес-дидими-биле күүседип тургаш, амы-тынындан маадырлыы-биле чарылган Чингиз Кызыл-оолдуң чырык адын тураскаал бижиктиг самбырага мөңгежиткен.
Эрес-дидим, коргуш чок маадырны «Эрес-дидим чоруу дээш» орден-биле мөчээн соонда шаңнаан.
Дайынчының кырган-авазы болгаш чоок кижилери, кожууннуң база сумунуң төлээлери, башкылары, чаңгыс классчылары, кады дайылдажып чораан эштери, школаның өөреникчилери чаңгыс чер-чуртуунуң дугайында чылыг сактыышкыннарны кылган.
Арыг-Үзүү ортумак школазының доозукчузу Чингиз Кызыл-оолдуң, тускай шериг операциязының үезинде маадырлыы-биле амы-тынын салган шериг оолдарның чырык аттарын сактып, кажыыдалдың минутазын чарлап, дириг чечектерни салган.
Эрес-дидим, дайынчы даңгыраанга болгаш албан-хүлээлгезинге шынчызын көргүзүп, тайбың дээш амы-тынын харам чокка берген дайынчыларывыстың Маадырлыг чоруу төөгүге балалбас исти арттырып, оларның чырык ады кезээ мөңгеде сактыышкын болуп артар.
