Улуг-Хем кожууннуң дыка хөй ада-иелериниң болгаш уругларының күзели бүткенин республиканың немелде өөредилге сайзырадыр төвү дыңнаткан. «Чодураа» лагеринге ийи чаа корпусту немей тудар.
Чайгы лагерьге чыл санында республиканың 6,6 хуу школачылары дыштанып келир. Лагерь 58 чыл бурунгаар ажыттынган. Оон бээр уругларның дыштаныр чери база бир кол кадыкшылга шөлчүгежи апарган. Кожууннуң 4213 школа назынныг уругларының аразындан беш дугаар кижи бүрүзү чайгы дыштанылга лагерьлеринде хаара туттунган, а «Чодураа» лагери 6,6 хуузу.
Тываның Өөредилге яамызы «Северстрой» компанияның дүрген туттунар ийи корпузун тудар кылдыр чагыгны киирген. Тудугжулар май айның эгезинде ажылдай берген. Корпустуң турар девискээрин дескилээш, таваан салыр ажылды чоруткан.
Бо чылын уруглар чаартынган лагерьге дыштаныр аргалыг. 2023 чылда федералдыг мөөрейге тиилээн түңнелинде, лагерьниң чаартылгазынче субсидия акшазы келгенин сагындыраал.
Улуг-Хем кожууннуң чагырга чериниң дыңнатканы-биле алырга, тудуг ажылдары доктаамал хыналдада.
