Тываның Баштыңы Владислав Ховалыг Кызылдың төвүнге чок болган уругнуң өг-бүлезинге бүгү талалыг дузаны көргүзерин бодунуң блогунда дыңнаткан. Оон аңгыда бүгү Россияның Аныяктар хүнүнге тураскааткан Арат шөлүнге планнаан хемчеглерни өске шөлдерге эрттирер.
Владислав Ховалыг корум-чурум камгалаар девискээр органнарының удуртукчулары-биле хөй-ниитиниң айыыл чок чоруунуң хемчеглерин экижидерин чугаалажыр. Республиканың удуртукчузу хоорайның хөй-ниити черлеринге айыыл чок болгаш таарымчалыг дыштанылганы хандырар дээштиг хемчеглерни алырын найысылалдың эрге-чагыргазындан негээн.
Мөчээн уругнуң өөнүң ээзи, Тываның күрүне университединиң инженер-техниктиг факультединиң доозукчузун ажылга тургустунарынга деткимчени көргүзер. Аныяк өг-бүлениң бир харлыг оглунга уруглар садынга олутту бээр.
Кем-херек үүлгедиинге каразыттырган кижи психиатрия диспансериниң даңзызында турар болганда, Тываның Баштыңы Чазактың социал адырынга психоневрологтуг албан черлериниң, ылаңгыя ниитилелге онза айыылды тургузуп болур кижилерни тодарадырда, корум-чурум камгалаар структуралар-биле ажылынга сайгарылганы кылыр даалганы берген.
Тываның Баштыңы Дээди Хуралдың депутаттарындан ол айтырыгны башкарарынга чогуур хоойлужудулга эгелээшкинин ажылдап кылырынга дузалажырын дилээн.
Социал адыр айтырыгларын удуртуп турар ТР-ниң Чазак Даргазының оралакчызы Орлан Сарыглар чок болган уругнуң Сүт-Хөл кожуунда чурттап турар авазы-биле харылзашкан. Чазак мөчээн кижини төрээн черинге чедирер база орнукшудар талазы-биле айтырыгларны бодунда алганын оралакчы дарга дыңнаткан. Чок болган аныяк уругну Сүт-Хөл кожууннуң Ишкин суурга ажаар.
Получить уголь через QR-код просто
В Туве продолжает действовать платформа ГИС «Угольная продукция», в которой жители республики могут получить QR-код на приобретение каменного угля на местных топливных складах.