«Бараан болуру» деп III Бүгү-российжи муниципалдыг шаңналче киржикчилер эксперттиг көрүлде чадазынче кирген. Билдириишкини бирги сайгарылганы эрткен киржикчи-ле Россияның өске регионнарындан иштежилериниң эгелээшкиннериниң азы төлевилелдериниң үнелелин алыр эргелиг болур.
Шаңналче кордакчы кылдыр ниитизи-биле 61460 билдириишкин кирген, оларның 200 ажыы – Тывадан. Январьның 18-ке чедир «Чоннарның чаңгыс деми – чурттуң күчү-күжү» деп немелде он бирги номинацияже төлевилелдерни ам-даа хүлээп турар.
РФ-тиң Президент Администрациязының деткимчези-биле Бүгү-россияның тус чер бот-башкарылгазын сайзырадыр ассоциация – премияның организатору.
«Киржикчи бүрүзүнге чурттуң өске регионнарындан иштежилериниң боттандырган төлевилелдери болгаш шиитпирлери-биле таныжып алыр арганы хөй талалыг экспертиза хандырар. Бо чүүл чедиишкинниг практикаларны шиңгээдип, оларны бодунуң муниципалдыг тургузуунуң байдалынга таарыштырарынга арганы берип турар» – деп, Бүгү-российжи тус чер бот-башкарылгазын сайзырадыр ассоциацияның бир даргазы Ирина Гусева демдеглээн.
Эң-не эки эгелээшкиннер төлевилелдери тодараттынганда, чазын «Күрүне ачы-дузалары» порталынга Чоннуң бадылаашкыны ажыттынар.
