Кышкы үеде школачылар хостуг үезинде дош чуңгудан, тейжигештен ойнап чуңгулаарынга аажок ынак. Чуңгуга айыыл чок чоруктуң дүрүмнерин сагыыры чугула.
Каа-Хем кожууннуң өөредилге эргелелиниң ажылдакчылары ада-иелерге болгаш уругларга айыыл чок дыштанырының дүрүмнерин таныштырып, тайылбыр бижиктерни үлээн.
Тываның Баштыңы Владислав Ховалыг кышкы дыштанылга черлеринге уругларның айыыл чок чоруун хандырар хемчеглерни күштелдирерин негээнин сагындыраал.
