Тывада эрткен чылдың ноябрьдан эгелеп дошталган суг объектилеринге чоруурунуң айыылының дугайында чоннуң билиглерин бедидер угланыышкынныг «Чуга дош» деп чаңчылчаан профилактиктиг акция эртип турар.
2024 чылда республиканың суг объектилеринге 30 таварылга бүрүткеттинген. Когараан шупту кижилерниң дөртүн камгалап алган, бир кижи ам-даа тывылбаан, 27 кижи чок болган.
Эрге-чагырга черлери онза болуушкуннарны болдурбас дээш, суг объектилеринге хамаатыларның айыыл чок чоруунуң хемчеглерин дыңнадыр ажылды күштелдирген.
