Чурагайлыг ID дээрге Күрүне ачы-дузалары порталында киирген чурукту база түр када идентификаторну ажыглап тургаш, хамааты дугайында медээни бадыткаар арга болур. Ындыг ID-ни Россия Федерациязының 18 хардан өрү назылыг хамааты бүрүзү ажыглап болур.
Чурагайлыг ID дузазы-биле чүнү бадыткап болурул?
• Назы-хар кызыгаарлаашкынныг бараан садып ап тургаш, назы-харны бадыткаар;
• Хөй ажы-төлдүг өг-бүле байдалын бадыткаар, чижээ, чиигелделиг ачы-дуза алырда, культура албан черлеринден билет садарда көргүзер;
• Өөредилге черлеринге өөренип турар студент деп бадыткаар.
Чурагайлыг ID-ни канчаар тургузарыл?
• MAX мессенджерниң «Профиль» деп кезээнге «Чурагайлыг ID» деп демдекти базыптар;
• «Тургузар» деп базыптар;
• «Арын азы салаа изи-биле кирер» чөпшээрелди бээр;
• «Күрүне ачы-дузаларынче баар» дээш базар;
• Хууда медээлерни болгаш биометриктиг айтылгаларны сайгарарынга чөпшээрээр;
• Автопортрет (селфи) тырттырар, «Чурагайлыг ID»-ни алырынга белен деп бадыткалды алыр.
Чурагайлыг ID-ни ажыглаарынга чүү херегил?
• MAX-та таб-профильче кирер;
• «Чурагайлыг ID» деп арынны ажыдар;
• Херек презентация сценарийин шилип алыр: «Назы-харны бадыткаар», «Хөй ажы-төлдүг өг-бүле байдалын бадыткаар», «Студент байдалын бадыткаар»;
• Хыналда чорудуп турар ажылдакчыга телефоннуң экранын көргүзер.
Чурагайлыг ID-ниң ажыглалының чамдык эки талалары:
• Билет садып алырының чорудуун чиигедип турар. Чижээ, өөреникчилер болгаш хөй ажы-төлдүг өг-бүлелерниң кежигүннери саазын документилерни көргүзериниң херээ чок. Олар чүгле биометриктиг айтылгалар-биле бадыткаан чурагайлыг ID-ниң QR-кодун көргүзер ужурлуг;
• Хууда медээлерни камгалаар. QR-кодту сканерлеп турда, хууда медээлер камгалаттынган турар: QR-кодтуг чурукту көргүскен экран 30 секунда болганда чаартынып турар, ынчангаш скриншоттаарындан болгаш өскээр дамчыдарындан камгалаттынган;
• Чурагайлыг ID-ни ажыглап тургаш, назы-харны, ада-ие байдалын болгаш өске чүүлдерни бадыткап болур. Оон-даа аңгы эрге-байдалдарны хынап болур.
Республиканың улусчу чогаадылга болгаш дыштанылга төвү белеткээн
