Тываның А. С. Пушкин аттыг национал ном саңының чурт-шинчилел чогаалы болгаш национал библиография килдизиниң ажылдакчылары «Библиодүн-2026» деп бүгү-российжи акцияга катчып, Кызылдың аңгы-аңгы ортумак өөредилге черлериниң сургуулдарынга «Чурт чаңгыс – чоннар хөй» деп хөглүг болгаш хуулгаазын оюнну эрттиргенин ном саңы дыңнаткан.
Уруглар делегейде аңгы-аңгы чоннарның эп-найыралын, демниг чоруун база оларның онзагай овур-хевирин көргүскен.
Россияда чоннарның чаңгыс деминиң чылынга тураскааткан мөөрейге I-ги черни Кызылдың политехниктиг техникумунуң 1-ги бөлүүнүң сургуулдары, 2-ги черни Кызылдың экономика болгаш эрге-хоойлу техникумунуң сургуулдары, 3-кү черни башкы колледжиниң 2 дугаар бөлүүнүң сургуулдары алган.
Идепкейлиг киришкен сургуулдарны шаңнал бижиктер болгаш чигирзиг белектер-биле шаңнаан.
