«Чылдың башкызы – 2022» бүгү-российжи мөөрейниң республика чергелиг чадазы эгелээн

Кызылда, Аныяктар өргээзинде, башкыларның профессионал мергежил мөөрейлериниң республика чергелиг эгелээн. Ук мөөрейлер апрель 9-туң хүнүнде дооступ, тиилекчилерни илередир.

Бүгү-российжи деңнелдиг – “Тыва Республиканың чылдың башкызы – 2022”, “Тыва Республиканың чылдың кижизидикчи башкызы – 2022”, “Төрээн болгаш орус дылдар башкыларының бүгү-российжи мастер-клазы-2022”, “Тыва Республиканың психолог башкызы – 2022”, “Кижини кижизидери – 2022”, “Тыва Республиканың чылдың директору – 2022”, “Тыва Республиканың чылдың мастери – 2022” мөөрейлерде республиканың башкылары мөөрейлежип эгелээн.

ТР-ниң Өөредилге яамызының тургусканы “Тыва Республиканың тулган эр башкызы база дагдыныкчызы – 2022” мөөрей эр башкыларның алдар адын бедидип, арга-дуржулгазын нептередип, аныяктарга үлегер-чижекти бээрин демдеглээр апаар.

– «Чылдың башкызы – 2022» бүгү-российжи мөөрейниң киржикчилери, эрттирикчилери болгаш аалчылары, шупту 185 кижиге байырны чедирип көрейн. Шупту киржикчилер амгы үениң технологияларынга чаартыкчы, тывынгыр, бот-тускайлаңын көргүзүп, мөөрейниң шылгалдаларын төлептиг эрте бээринге бүзүрээр мен. Ажыктыг арга-дуржулгаларын солчуп, башкыларның улуг ниитилелиниң кезии дээрзин бадыткап, амыдыралчы болгаш профессионал шын шилилгени кылганынга база катап бүзүредири – бо мөөрейниң эң кол шынары.

Мөөрейниң киржикчилеринге база республиканың шупу башкыларынга күш-ажылы, чогаадыкчы дилээшкиннери болгаш эгелээшкиннери, тура-соруу болгаш уругларга ынакшылы дээш четтиргеним илереттим. Силерге чедиишкиннерни база чаа-чаа бедиктерни күзедим – деп, Тываның өөредилге сайыды Алексей Храмцов мөөрейни ажыткан.

Башкыларның профессионал мергежилиниң мөөрейлеринде тос мөөрей кирген, ооң бирээзи – республиканыы болур. Аңаа башкылар боттарының билиг-мергежилиниң шыырак белеткелдиин бадыткап көргүзер