Тываның Баштыңы Владислав Ховалыг чазактың ажыл-чорудулгазының эрткен чылдың түңнелдери-биле бодунуң албан-дужаалды хүлээнип алганының бир чыл ою капсырлажы бергенин социал четкилерде арыннарынга дыңнаткан.
– Бедик дужаалга ажылдаан арга-дуржулгамга хамаарыштыр чаңгыс чүүлдү чугаалап каайн, кандыг-даа бирги базым черле берге болур. Соңгулдалар мурнунда-даа, соонда-даа, ам-даа силерниң деткимчеңер ачызында ону ажып эртим. Кажан ынчаар деткип турда, чүү-даа коргунчуг эвес – баш муңгаш чүүлдер-даа, бергедээшкиннер-даа. Чонумну дыңнап, ону кылыр деп, оруумнуң эге ужуунда бодумга чугаалааным шын базым болду. Силерниң деткимчеңерге ам-даа идегээр мен – деп, Чазак Даргазы бижээн.
Тываның Баштыңы Владислав Ховалыг 2021 чылда республика чазааның ажыл-чорудулгазының түңнелдериниң дугайында илеткелге атты салган. Үндезин хоойлуда айыттынганы езугаар ону Тываның Дээди Хуралынга илеткээр.
Чазак даргазының оралакчылары база сайыттар ажылчын коллективтер болгаш чон чыыштарында боттарының кылган ажылдарын таныштырар. Тускай хевирлеттинген ажылчын бөлүктер апрель 7-ден эгелеп республиканың хоорай, суурларже үнүп эгелээнин сагындыраал.
Правительство РФ поддержало законопроект, упрощающий оформление двойной фамилии при заключении брака
Правительство Российской Федерации выразило поддержку инициативе по упрощению процедуры оформления двойной фамилии в случае, если ее берет только один из супругов, однако требует доработки документа …