Чөөн-Хемчик кожууннуң Чыраа-Бажы сумузунуң чурттакчызы Чыргал Ооржак хайындырарынга белен аъш-чем бүдүрер биче цехти ажыдып алган. Ол сумунуң ажыл-биле бот-хандыртынган сайгарлыкчыларның бирээзи.
Чыргал Ооржак социал керээге үндезилээн күрүне деткимчези-биле цехке херек дериг-херекселди садып алган. Эгелеп чоруур сайгарлыкчы хайындырарынга белен аъш-чем: манчы, бууза, инек болгаш хой эъдин, малдың ижин-хырынын, тырткан эътти садып турар.
Ооржактар дөрт ажы-төлдүг. Олар маг-маган тудуп турар болгаш аъш-чем болбаазырадырынга эът дугайында айтырыг тургустунмас. Өг-бүле боттарының күжү-биле оран-саваны тудуп алган. Бүрүрген бараанын ында садып-сайгарып турар.
Чөөн-Хемчик кожууннуң Чонну ажылга хаара тудар төптүң директору Марианна Монгуштуң дыңнадып турары-биле алырга, бо чылын Чыраа-Бажы сумузунуң беш хамаатызы ажыл-херээн ажыдып алган.
Чурттуң Президентизи Россияның Чазаанга июль 1-ден эгелеп социал керээлер талазы-биле төлевирлерниң хемчээлин улгаттырар даалганы бергенин сагындыраал. Хууда ажыл-херээн ажыдып алыры дээш 350000 рубльге чедир өскен.
#Чөөн_хемчиккожуун #Чыраа_бажы #Социалкерээ #ТМГМедээлер #Тыва #Тывамедээ #Тывадыл #Тывамедиагрупп #Тува #Tuva #TMG #TMGNEWS #Tuvanews
